Ledig stilling

Publisert onsdag 27.01.10 av

Registrator / Administrasjonssekretær
Valdresmusea og Bunad- og folkedraktrådet

Valdresmusea er regionmuseum i Valdres med fire avdelingar, har 23 fast tilsette og ca. 40 000 besøkande. Museet driv mellom anna Bunad- og folkedraktrådet (BFR), som er eit nasjonalt kompetansesenter som driv med dokumentasjon, forsking og formidling av folkedrakt og bunad.

Ledig stilling som Registrator, 100 % engasjement i 2010, delt mellom museet og Bunad- og folkedraktrådet.
Registratoren vil få ansvar for omlegging av tekstilsamlinga til museet i samband med nye magasin med registrering og magasinering som hovudoppgåver.

Registratoren vil få sekretærfunksjon ved BFR. I tillegg til administrative oppgåver her, vil hovudoppgåvene vere knytt til digitalisering av BFR sine samlingar. Arbeidet omfattar også å vere med på draktregistrering ulike stadar i landet.

Vi ynskjer ein person med praktisk/ teoretisk utdanning med god kjennskap til IKT, relevant programvare (Primus) og interesse for drakt/tekstil.
Mogelegheit for fast tilsettjing ved BFR.

Vi legg særskilt vekt på evne til samarbeid og positiv innsatsvilje. Valdresmusea er medlem i KLP og HSH. Send søknad med cv og vedlegg til Valdresmusea, Tyinvegen 27, 2900 Fagernes innan 10. februar. Vi ynskjer tilsetting så snart som råd.

Sjå heimesidene www.valdresmusea.no  og www.bunadraadet.no  for meir info, eller ta kontakt med direktør Torveig Dahl, tlf. 92 61 28 30/ torveig.dahl@valdres.museum.no eller
seksjonsleiar i BFR Anne Kristin Moe, tlf. 95 14 18 94/ anne.kristin.moe@bunadraadet.no